Սեպտեմբերի 10-ին, Էջմիածին քաղաքում տեղի ունեցավ TOTAL Կենտրոնի բացման պաշտոնական արարողությունը։

Սրահն ունի 700քմ տարածք, որը համալրված է ապրանքանիշի շինարարական, կենցաղային և այգեգործական գործիքների ամենալայն տեսականիով:

Արարողության ժամանակ տեղի ունեցավ totalservice.am կայքի շնորհանդեսը: Այսուհետ, TOTAL մասնաճյուղերից և shop in shop տաղավարներից գնված ցանկացած սարք կամ գործիք գնելիս՝ ապրանքատեսակի երաշխիքային կտրոնը կպահպանվի առցանց՝ totalservice.am կայքում:

«Մեհրաբյան և Որդիներ» ՍՊԸ-ն շարունակում է ընդլայնել իր սպասարկման կենտրոնները: «TOTAL Centre էջմիածին»-ը Ընկերության թվով 3-րդ սպասարկման կենտրոնն է: «TOTAL» մասնաճյուղերից կամ shop in shop-երից գնված «TOTAL» ապրանքանիշի ցանկացած գործիք կարող եք մոտեցնել սրահ, որտեղ մեր մասնագետները կվերանորոգեն սարքը, իսկ վերանորոգման պատմությունը կտեսնեք totalservice.am-ի Ձեր էջում:

«Մեհրաբյան և Որդիները» կարևոր է համարում իր գործունեության ոլորտում նաև կրթական տարրի զարգացումը, ուստի Էջմիածնում գործող Կենտրոնում իրականացվելու են նաև կրթական ծրագրեր արհեստավորների, ուսանողների և վաճառող-խորհրդատուների համար։

Դասընթացների մասնակիցները կծանոթանան «TOTAL» ապրանքանիշի հետ, կսովորեն մարտկոցային, էլեկտրական և ձեռքի գործիքների օգտագործման առանձնահատկություններն ու կանոնները, ինչպես նաև՝ «TOTAL» առցանց հարթակի օգտագործման հմտությունները:

Սրահում անցկացվելու են նաև վաճառող-խորհրդատուների ուսուցման դասընթացներ, որտեղ կդասավանդվեն B2B և B2C վաճառքների հիմունքները, սպասարկման և վաճառքի հմտությունները, գործիքների օգտագործման կանոնները:

Կգործի նաև վարպետների ուսուցման դասընթաց, որի ընթացքում ուսանողները կուսանեն գործիքների կիրառման ոլորտներն ու շահագործման կանոնները:

Հասցե՝ ք. Էջմիածին, Մ․ Մաշտոցի փ․, 15/45:

TOTAL Instagram: https://www.instagram.com/total_tools_armenia/ 

TOTAL Facebook: https://www.facebook.com/TOTALtoolsArmenia/