«Մեհրաբյան և Որդիներ» ընկերությունը շարունակում է համալրել հայաստանյան շինարարական շուկան նորարարական և բարձրորակ գործիքներ ու աքսեսուարներ արտադրող ապրանքանիշներով։

Այսուհետ մեր ընկերությունը Հայաստանում պաշտոնապես ներկայացնելու է ալմաստե աքսեսուարների խոշորագույն արտադրող «Distar» ապրանքանիշը։ Բրենդն իր արտադրանքն արտահանում է 55 երկիր, այդ թվում՝ եվրոպական երկրներ, ԱՄՆ, Ավստրալիա։

Տեսականին ներառում է ավելի քան 3000 անուն ապրանք, որոնք պրակտիկ կիրառելիություն ունեն հատկապես կերամիկակական սալիկների, կերամոգրանիտի հետ աշխատող վարպետների համար։ Արտադրանքը կարող է օգտագործվել անկյունային հղկող մեքենաների, ասֆալտ և բետոն կտրող գործիքների, գայլիկոնիչների, հորատիչների և հղկող ու կտրող այլ գործիքների համար։ Ամբողջ տեսականին համապատասխանում է միջազգային ամենաբարձր ստանդարտներին և անցել է սերտիֆիկացում։

7 ժամանակակից տեխնոլոգիաներով արտադրություն իրականացնող «Distar» ապրանքանիշն իր առջև խնդիր է դրել շինարարության ոլորտում նորարարական լուծումների շնորհիվ վարպետների աշխատանքը դարձնել արագ, պարզ և արդյունավետ։

«Մեհրաբյան և Որդիները», ինչպես և իր նոր գործընկերը, կարևոր է համարում ոլորտին տեմպ հաղորդելը, քանի որ դա է զարգացման ու տեխնոլոգիական առաջընթացի գրավականը։