Մայիսի 2-ին «Մեհրաբյան և Որդիներ» ընկերությունը նշեց իր 16-ամյակը: Ընկերությունը զբաղվում է շինարարական ծառայություններով, շինարարական հումքի արտադրանքով և գործիքների ու սարքավորումների ներմուծմամբ:

2009 թվականից ընկերությունը սկսել է ընդլայնել արտադրության գործընթացը: Այն արտադրում է չոր շինարարական շաղախներ, ջրադիսպերսիոն ներկեր, չբռնկվող փրփապլաստե շերտեր և այլ արտադրանքներ: 

2015 թվականից ընկերությունն արտադրում է փրփապլաստե դեկորատիվ քիվեր, օդափոխության խողովակներ, ցանցեր և էլեկտրամոնտաժային պարագաներ: 

Ընկերությունը հանդիսանում է շինարարական գործիքների TOTAL և դռան պարագաների Apecs միջազգային ապրանքանիշերի պաշտոնական ներկայացուցիչը Հայաստանում: 

«Մեհրաբյան և Որդիներ» ՍՊԸ-ն իրականացնում է նաև բազմապրոֆիլ կառուցապատման, շինարարական և վերանորոգման նախագծեր, որոնք տարբերվում են իրենց ամրությամբ և պրակտիկությամբ: Ընկերությունը կատարել է «Դվին» հյուրանոցային համալիրի, «Երազ» բնակելի թաղամասի, Հյուսիսային պողոտայի բնակելի շենքերի շինարարական աշխատանքները:

Ընկերությունը գտնվում է Արին Բերդի փ․, 24/5 հասցեում: